Juliana Nura nuk di të ndalet me deklaratat e saj që menjëherë kthehen në virale.
Pas historisë së bujshme me Cristiano Ronaldon që pushtoi titujt pak kohë më parë, ish-banorja e “Big Brother VIP Kosova” ka ndarë me ndjekësit një tjetër përjetim “epik”, këtë herë nga rrugëtimi i saj jashtë vendit.
Gafa epike: Ku ndodhet kufiri Serbi-Slloveni?
Gjatë rrëfimit të saj, Juli ka përmendur se është ndaluar nga autoritetet serbe në pikën kufitare mes Serbisë dhe Sllovenisë. Mirëpo, një kontroll i thjeshtë në hartë tregon se ky kufi nuk ekziston!
Sllovenia dhe Serbia nuk janë shtete fqinje; ato ndahen nga shteti i Kroacisë. Distanca rrugore mes kufirit më të afërt të Serbisë dhe atij të Sllovenisë është rreth 280 kilometra.
Duket se në nxitim e sipër për të treguar ngjarjen, Juliana ka ngatërruar gjeografinë, duke dashur mbase t’i referohej kufirit Serbi-Kroaci.
Përplasja për UÇK-në dhe kontrolli i rreptë
Pavarësisht lapsusit gjeografik, ajo që mbetet serioze është dëshmia e saj për trajtimin nga policia serbe.
Sipas Julit, ajo është mbajtur për katër orë e gjysmë në kontroll për shkak të bindjeve të saj kombëtare dhe një mbrojtëseje telefoni (case) me simbolin e UÇK-së.
“Ju e dini që vetëm punë… Dje, katër orë e gjysmë më kanë mbajtë serbët në kufi Serbi me Slloveninë. Sepse, deklaratat e mia televizive dhe gjithashtu casen e telefonit e pata me UÇK. Më thanë është organizatë e krimeve,” – është shprehur ajo.
“I thashë keni dhunuar 25 mijë gra”
Juliana ka treguar se nuk ka qëndruar e heshtur përballë provokimeve të policëve serbë, duke u ballafaquar me ta për krimet e luftës në Kosovë. Ajo pretendon se makina dhe ajo vetë janë kontrolluar imtësisht dy herë.
“Thashë keni masakruar qindra mijëra shqiptarë dhe i keni dhunuar 25 mijë gra. Për çfarëdo problemi që keni, thirrni ambasadat,” ka treguar ajo me tone të forta.
Mbetet të shihet nëse Juli do të sqarojë ngatërrimin e lokacionit, apo nëse ky do të mbetet thjesht një tjetër moment “alla-Juli” që po bën xhiron e portaleve. /Prive By Liberta Spahiu
