Këngëtarja e njohur Enca Haxhia po shijon disa ditë pushimi në Prishtinë së bashku me motrën e saj, Uindin. Gjatë kësaj vizite, ato nuk kanë ngurruar të ndajnë me ndjekësit në TikTok momente plot humor, ku këtë herë në qendër të vëmendjes ka qenë një “sfidë” gjuhësore midis dy motrave.
Përmes një videoje mjaft argëtuese, Enca ka vendosur të testojë motrën e saj se sa njohuri ka për disa fjalë specifike të dialektit kosovar. Gjatë bisedës, Enca e pyeti Uindin për kuptimin e fjalëve si “Karmin” (buzëkuq) dhe “Kompira”(patate), duke pritur të shihte reagimin e saj.
Edhe pse Enca u përpoq ta ndihmonte duke i dhënë “hinte” (ndihma të vogla) për t’i rënë në gjurmë kuptimit, Uindi u shfaq totalisht e pafund dhe nuk arriti të zbulonte asnjërën prej tyre. Ky moment ka shkaktuar shumë të qeshura mes motrave, por edhe te ndjekësit që e kanë parë videon.
Ky Tiktok i këndshëm tregon edhe një herë marrëdhënien e ngushtë dhe plot humor që ekziston mes dy motrave Haxhia, të cilat gjithmonë dinë si të tërheqin vëmendjen e rrjeteve sociale me postimet e tyre origjinale.
@therealenca Po testoj njohurine e motres ne dialektin e kosoves 🤣🤣😭🤦🏻♀️ po ju e dini ca esht karmini? #funny #goviral #albania #kosovo #fyp ♬ original sound – ENCA 
