Moderatorja e njohur Kiara Tito ka zhvilluar së fundmi një bashkëbisedim me ndjekësit e saj në Instagram, duke u dhënë mundësinë atyre ta pyesin rreth jetës së saj private dhe planeve për të ardhmen.
Përmes një “ASK”, ajo ka shuar kureshtjen e shumë fansave që interesohen për zgjerimin e familjes së saj.
Një prej pyetjeve që mori vëmendjen më të madhe ishte ajo lidhur me dëshirën për t’u bërë nënë për herë të dytë.
Një ndjekës e pyeti moderatoren: “A mendoni për fëmijë të dytë?”, duke i dërguar njëkohësisht përshëndetje të ngrohta.
Kiara nuk ka hezituar të kthejë një përgjigje të qartë dhe pozitive, duke lënë të kuptohet se ajo dhe Luizi në një të ardhme janë të hapur për këtë mundësi.
“Në një të ardhme patjetër,” u përgjigj ajo, shoqëruar me një emoji zemre, duke treguar se përkushtimi ndaj familjes mbetet prioriteti i saj kryesor. /Prive By Liberta Spahiu
