Vetëm pak javë pas lançimit të bujshëm më 18 dhjetor, albumi më i ri i Yll Limanit, i titulluar “TSN” (Thirrëm Sot ose Nesër), ka thyer rekorde shikueshmërie.
Ky projekt muzikor ka arritur shifrën mbresëlënëse prej 20 milionë dëgjimeshnë të gjitha platformat digjitale, duke u shndërruar në kryefjalën e këtij fillimviti në industrinë e muzikës shqiptare.
Albumi, i cili përmban gjithsej 16 këngë, u prit me interes të madh nga publiku që në momentet e para të publikimit. Meloditë e veçanta dhe tekstet ndjerë, karakteristike për stilin e Yllit, kanë bërë që çdo këngë e këtij albumi të dëgjohet masivisht, duke u renditur menjëherë në listat e këngëve më të pëlqyera në YouTube, Spotify dhe Apple Music.
Përmes një njoftimi në rrjetet sociale, label-i Three60 Music ka konfirmuar këtë sukses, duke falënderuar fansat për mbështetjen e pakursyer. “TSN sapo arriti 20 milionë dëgjime! Faleminderit që keni shtypur ‘play’ përsëri dhe përsëri,” shkruhet në postimin që u shoqërua me qindra komente pozitive nga ndjekësit, të cilët e kanë cilësuar albumin si një “kryevepër” të vërtetë.
Ky sukses i jashtëzakonshëm brenda një kohe kaq të shkurtër konfirmon edhe një herë statusin e Yll Limanit si një prej artistëve më produktivë dhe më të dashur për publikun. /Prive By Liberta Spahiu
View this post on Instagram
