Blerta, një nga vajzat më të njohura të TikTok-ut që ka prekur zemrat e qindra mijëra ndjekësve me historinë e saj të vuajtjes dhe forcës, ka folur sërish për gjendjen e saj shëndetësore.
Përmes një postimi emocional, ajo ka treguar se po përballet me sfida të rënda fizike, duke kërkuar forcë te besimi dhe dashuria e njerëzve.
“Po qëndroj në shtrat, kam nevojë për më shumë morfinë”
Blerta ka treguar se gjendja e saj aktuale është mjaft e rëndë, duke u shprehur se dhimbjet janë bërë të padurueshme.
Ajo u shpreh se po qëndron vetëm në shtrat dhe se edhe shtrirja apo qëndrimi ulur i shkaktojnë vështirësi të mëdha.
“Më duhet më shumë morfinë se zakonisht për t’i përballuar dhimbjet,” ka shkruar ajo, duke dëshmuar betejën e vështirë që po kalon.
Shpresa te besimi dhe një kujtim i shtrenjtë
Pavarësisht gjendjes së rëndë, Blerta ka theksuar se nuk e humb shpresën dhe se mbështetet plotësisht te besimi në Zot. Në foton e publikuar, ajo shihet duke mbajtur në dorë një tesbih.
“Vazhdo përpara sepse ai person në qiell nuk dëshiron që ti të dorëzohesh. Mbaj gjithmonë tesbihun e saj me vete,” shkroi ajo në anglisht.
Mirënjohje për dashurinë e ndjekësve
Blerta nuk ka lënë pa përmendur edhe mesazhet e shumta që pranon çdo ditë, duke u shprehur e habitur dhe mirënjohëse për gjithë atë dashuri. Ndonëse ushqimi përmes sondës mbetet i paktë për nevojat e saj, ajo thotë se po përpiqet të shohë anën pozitive dhe të mos dorëzohet. /Prive By Liberta Spahiu
