Ish-konkurrentja e “Për’puthen”, Roela Meka, ka ndarë së fundmi me ndjekësit e saj në Instagram një moment shumë ëmbël, por edhe “frustrues” për çdo nënë.
Përmes një postimi në Instastory, ku shihet partneri i saj, Vedat Sulemani, së bashku me vajzën e tyre duke fjetur, Roela ka vënë në dukje ngjashmërinë e madhe mes të dyve.
Me sa duket, gjenet e babait kanë triumfuar në këtë rast!
“Nuk e di, domethënë unë e mbaj 9 muaj dhe del fiks si babi,” – ka shkruar Roela me humor krahas fotos, duke etiketuar edhe partnerin e saj.
Ky është një nga ato momentet “klasike” të prindërimit që shumë nëna e përjetojnë, ku pas gjithë mundit të shtatzënisë, bebja vendos të jetë një “kopje” e vogël e babait.
Roela dhe Vedati duken më të lumtur se kurrë në këtë kapitull të ri të jetës së tyre, duke ndarë herë pas here momente të ngrohta familjare me fansat. /Prive By Liberta Spahiu
