Gjatë orëve të fundit, rrjeti ka vluar nga thashethemet se moderatorja e njohur Argjira Spanca dhe partneri i saj, balerini Graciano Tagani, janë në pritje të fëmijës së tyre të parë.
Lajmi u përhap me shpejtësi në mediat rozë, duke ngritur pikëpyetje të shumta te ndjekësit e dyshes.
Reagimi i drejtpërdrejtë: “Nuk jam shtatzënë”
Për t’u dhënë fund aludimeve, Argjira ka zgjedhur të reagojë personalisht përmes një postimi në Instastory. Duke iu përgjigjur pyetjes së një ndjekësi, ajo ka sqaruar njëherë e mirë situatën: “Dua të sqaroj njëherë e mirë disa lajme që po qarkullojnë: nuk jam shtatzënë,” ka shkruar ajo në mënyrë të prerë.
Dëshira për t’u bërë prindër
Në mesazhin e saj, moderatorja nuk e ka fshehur dëshirën për të krijuar një familje, por ka kërkuar mirëkuptim për privatësinë e këtij procesi. Ajo u shpreh se kjo dëshirë ka qenë gjithmonë prezente, por theksoi se “ka gjëra në jetë që nuk i kemi ne në dorë,” duke lënë të kuptohet se gjithçka do të ndodhë në momentin e duhur.
Një premtim për ndjekësit
Argjira e mbylli reagimin e saj duke falënderuar publikun për interesimin, dashurinë dhe respektin e treguar. Ajo premtoi se kur të vijë momenti i duhur, ajo dhe Graciano do ta ndajnë vetë lajmin e bukur me të gjithë ata që i mbështesin. /Prive By Liberta Spahiu
