Nëse menduat se “Big Brother VIP Kosova” mbaron kur fiken dritat e studios, gaboheni rëndë. Nata e mbrëmshme nuk ishte thjesht një Prime, por skena e një prej “shuplakave” më të forta që kemi dëgjuar ndonjëherë live.
Leonora Jakupi, e cila zakonisht njihet për diplomaci, mbrëmë hoqi dorezat dhe lëshoi një deklaratë që u bë virale në sekondë. E indinjuar nga sjellja e Dolces në raport me meshkujt e shtëpisë (dhe dramën me Limin e Albën), Leonora i tha troç: “Ti më shpesh i zë meshkujt aty, se sa më zë mua gjumi!”
Kjo fjali shpërtheu rrjetin, por “hakmarrja” erdhi menjëherë pas emisionit. Edhe pse Dolce është e izoluar, ata që menaxhojnë Instagramin e saj që me gjasë janë familjarë, nuk e gëlltitën dot këtë ofendim publik. Në një Story që po bën xhiron e web-it, ata kanë goditur Leonorën aty ku dhemb më shumë: tek e kaluara dhe mosha.
Reagimi ishte brutal: “Kur gjykon mua, shpejt po e harron të kaluarën tënde… Pastaj në moshën që ke normal që vetëm gjumi të ka ngelur…”
Një kundërpërgjigje flakë për flakë! Adminat e Dolces jo vetëm që i kthyen reston për punën e “gjumit” duke e lidhur me moshën, por hapën edhe “Kutinë e Pandorës”.
Kjo luftë sapo ka filluar dhe interneti është ndarë në dy kampe: shumica, ata që duartrokasin Leonorën për guximin që i tha gjërat troç, dhe ata që mendojnë se goditja ndaj Dolces ishte e papërshtatshme. A do të reagojë Leonora ndaj këtij sulmi personal në Prime-in e radhës? Mbetet për t’u parë! /Prive By Liberta Spahiu
