Ka disa ditë që po përflitet se Arbana Osmani mund ti rikthehet formateve reality, duke marrë në drejtim sezonin e tretë të Ferma VIP që pritet të nis diku nga pranvera.
Zërat nuk janë të izoluar por tregues të diçkaje të vërtetë.
Edhe burime pranë Prive By Liberta Spahiu kanë konfirmuar se ka negociata thuajse të mbyllura tashmë që e bëjnë gati fakt të kryer marrjen e frenave nga prezantuesja shumëvjeçare e formatit “Big Brother”.
Në këtë mes, nuk u fol fare sa i përket Luanës.
Duket se ajo dhe drejtuesit e formatit kanë rënë paraprakisht dakord që të mos vazhdohet bashkëpunimi.
Sipas burimeve pranë moderatores, ajo po synon të rikthehet me formatin e saj ikonik “Shiko kush luan”. Zërat nuk përjashtojnë një rikthim të saj në Top Channel mirëpo për këtë pjesë nuk ka ende, asgjë të definuar.
Një gjë është e sigurtë – ky vit do sjellë shumë lëvizje mes figurave të ekranit, sidomos në Shqipëri. /Prive By Liberta Spahiu
