Këngëtarja e njohur Fjolla Morina ka vendosur të nisë një kapitull të ri pas eksperiencës së saj në Big Brother VIP Kosova.
Ajo ka surprizuar ndjekësit në rrjetet sociale duke treguar një ndryshim rrënjësor në pamjen e saj të jashtme, që nuk pritej nga fansat.
Fjolla, e cila njihet për flokët e saj të gjatë që i kanë qëndruar besnikë prej kohësh, ka vendosur t’i presë ato shkurt, tek stilisti i njohur Kaci Lleshi. Ky stil i ri “bob” i ka dhënë këngëtares një imazh krejtësisht tjetër, më modern dhe më të freskët, duke marrë menjëherë vëmendjen.
Ky ndryshim vjen si një shenjë rigjenerimi pas periudhës intensive brenda shtëpisë më të famshme në Kosovë.
Duket se dalja nga BBVK ka qenë momenti ideal për Fjollën që të eksperimentojë me stilin, duke treguar se është gati për një prezencë ndryshe në skenën publike. /Prive By Liberta Spahiu
