Moderatorja e njohur e “Big Brother VIP Kosova”, Jonida Vokshi, ka zhvilluar së fundmi një bisedë virtuale me ndjekësit e saj në Instagram, ku nuk kanë munguar pyetjet mbi jetën e saj private dhe planet për zgjerimin e familjes.
Familja në fokus
E pyetur nga një ndjekës nëse mendon për një fëmijë të tretë, Jonida u përgjigj me sinqeritet duke treguar se deçizitë e tilla kërkojnë vëmendje të madhe në raport me ritmin e jetës.
“Dëshira për fëmijë të 3-të është, por jo në plan,” u shpreh ajo, duke lënë të kuptohet se për momentin është e fokusuar diku tjetër.
Përkushtimi ndaj Emit dhe Ian
Jonida theksoi se prioriteti i saj kryesor aktualisht janë dy fëmijët e saj, Emi dhe Ian. Ajo shpjegoi se angazhimet profesionale dhe ritmi i shpejtë i përditshmërisë e bëjnë të mendohet mirë për hapat e ardhshëm.
“Me këtë ritëm jete, gjithçka dua është të mundohem të mos i mungojë asgjë Emit dhe Ian e sidomos prania ime,” shkroi moderatorja.
Një balancë mes karrierës dhe familjes
Në këtë fazë të karrierës, ku ajo drejton një nga formatet më të ndjekura në Kosovë, Jonida duket se po shijon maksimalisht çdo moment me familjen e saj ekzistuese, duke vënë cilësinë e kohës së kaluar me ta mbi planet për fëmijë të tjerë në një të ardhme të afërt. /Prive By Liberta Spahiu
