Ish-banorja e edicionit të tretë të Big Brother VIP Kosova, Anisa, ka ndarë së fundmi me ndjekësit e saj në rrjetet sociale mendimet rreth banorëve të edicionit aktual. Përmes një sesioni “Pyetje-Përgjigje” në Instagram, ajo u është përgjigjur kuriozitetit të fansave se cilët janë emrat që i pëlqejnë më shumë në këtë garë.
Emrat e preferuar dhe vlerësimi për Londrimin, Elijona dhe Klodin
Kur u pyet se kush i pëlqen më shumë nga banorët e këtij viti, Anisa nuk ka hezituar të japë emra konkretë. Ajo ka veçuar Londrimin, Elijonën dhe Klodin si personazhet që i kanë lënë përshtypjen më të mirë deri më tani.
Kritika dhe këshilla për Benitën
Përveç të preferuarve, Anisa ka bërë edhe një analizë më të detajuar për Benitën. Sipas saj, Benita nuk është një personazh “i keq”, por ka një problem me ndikimin nga të tjerët.
“Edhe Benita s’është e keqe, veç ndikohet prej fjalëve të të tjerëve shumë. Besoj se kishte mundur me qenë edhe më e mirë,” u shpreh ajo.
Simpatia për dyshen Benita-Elijona
Në mbyllje të komentit të saj, Anisa ka vënë në dukje se i pëlqen shumë energjia kur dy prej vajzave qëndrojnë bashkë. Ajo theksoi se sidomos kur Benita dhe Elijona janë pranë njëra-tjetrës, duken shumë mirë dhe përcjellin një imazh pozitiv te publiku. /Prive By Liberta Spahiu
