Reperi i njohur Stresi ka vendosur të hapë zemrën me fansat e tij në këtë prag Shën Valentini, duke paralajmëruar një surprizë që pritej prej kohësh.
Përmes një postimi të fundit në llogarinë e tij zyrtare në Instagram, ai ka ndarë lajmin e shumëpritur që ka ngritur menjëherë temperaturat në rrjetet sociale.
Projekti i tij më i ri mban titullin mjaft domethënës “No Lie” dhe është planifikuar të lançohet zyrtarisht më 14 shkurt, pikërisht në ditën e të dashuruarve.
Kjo zgjedhje strategjike e datës ka bërë që ndjekësit e tij të shumtë të nisin aludimet e para.
Edhe pse Stresi është i identifikuar me stilin e tij “hardcore”, tekstet pa doreza dhe natyrën rebele, fakti që kënga vjen në Shën Valentin ka nxitur dyshime se ky krijim mund të jetë më i ndryshëm nga çfarë jemi mësuar të dëgjojmë.
A do të jetë ky një dedikim personal që do të zbulojë një anë më të ndjeshme të reperit? Shumë mendojnë se “No Lie” do të jetë himni i ri i çifteve këtë Shën Valentin.
Mbetet për t’u parë nëse ky projekt do të jetë një rrëfim i sinqertë (ashtu siç premton edhe titulli “Pa Gënjeshtra”) apo një tjetër sukses që do të thyejë rekordet e klikimeve.
Një gjë është e sigurt: më 14 shkurt, vëmendja e të gjithëve do të jetë te kanali i tij në YouTube. /Prive By Liberta Spahiu
View this post on Instagram
