Gazetari Elton Tozaj ka publikuar një paralajmërim të fortë në rrjetet e tij sociale, duke premtuar zbulimin e të vërtetave që pritet të trondisin opinionin publik.
Përmes një postimi të fundit, Tozaj ka bërë të ditur se çdo të mërkurë do të publikojë fakte, foto dhe video që dokumentojnë lidhjen e ngushtë mes botës së showbizit, mafies dhe krimit të organizuar.
Ky reagim i gazetarit vjen vetëm pak ditë pasi ai u bë shënjestër e një sulmi të rëndë, ku banesa e tij u lye me benzinë nga persona ende të paidentifikuar.
Ky akt kërcënues duket se nuk e ka ndalur Tozajn, i cili ka zgjedhur t’i kundërpërgjigjet presionit me paralajmërimin e një serie investigimesh që mbajnë sloganin “Së shpejti!”.
Sipas postimit të tij, materialet e mbledhura do të hedhin dritë mbi anën e errët të personazheve publikë dhe ndërthurjen e tyre me struktura kriminale.
Mbetet për tu parë se çfarë do të zbuloj gazetari Tozaj, ndërkohë që ngjarja e sulmit ndaj shtëpisë së tij mbetet ende nën hetim nga autoritetet. /Prive By Liberta Spahiu
