Franceska Murati, ish-banorja e njohur e “Big Brother VIP Albania 3”, ka surprizuar ndjekësit e saj gjatë një bisede virtuale në Instagram. Përmes një “Ask Me”, ajo u është përgjigjur pyetjeve të shumta, duke zbuluar për herë të parë një detaj shumë personal mbi përkushtimin e saj ndaj fesë.
Përkushtimi ndaj fesë: “Falem 5 vakte”
E pyetur nga një ndjekës nëse i mbështet femrat që mbajnë mbulesë, Franceska nuk ka hezituar të tregojë rrugëtimin e saj shpirtëror. Ajo zbuloi se është praktikuese e rregullt, duke u shprehur: “Unë përshembull falem 5 vakte”.
Ky deklarim ka surprizuar shumë ndjekës, pasi ish-banorja nuk e kishte diskutuar më parë publikisht këtë pjesë të jetës së saj private.
Mbështetje për lirinë e çdo gruaje
Përveç përkushtimit personal, Franceska ka dhënë një mesazh të fortë tolerance dhe mbështetjeje për të gjitha gratë. Ajo theksoi se çdo femër është e lirë të bëjë atë që i thotë zemra dhe se secila ka bindjet e veta.
“Edhe pse nuk do e zgjidhja si gjë për veten time, mbështes çdo grua në zgjedhjet e saj”, ka përfunduar ajo, duke treguar respekt të plotë për ato që zgjedhin të mbulohen.
Një anë e re e Franceskës
Kjo anë e “panjohur” e Franceskës ka ngjallur shumë interes në rrjetet sociale, duke treguar një profil krejtësisht ndryshe nga ai që jemi mësuar të shohim në ekran. /Prive By Liberta Spahiu
