Këngëtari i dashur për publikun, Adrian Gaxha, i cili është zhdukur prej një kohe të gjatë nga jeta publike, skena muzikore dhe intervistat, ka kurorëzuar dashurinë e tij me martesë larg zhurmës mediatike.
Se lidhja e tij me bukuroshen Sidorela Dauti po shkonte drejt një hapi kaq serioz, kjo u kuptua qartë që nga vera e kaluar.
Ishte pikërisht Prive By Liberta Spahiu që solli pamje ekskluzive paparaci të pushimeve të tyre romantike në jug të Shqipërisë, duke konfirmuar rikthimin e tyre dhe se kjo histori dashurie po bëhej më e fortë se kurrë.
Por surprizat dhe lajmet e mira nuk mbarojnë me kaq, pasi burimet tona tregojnë se gëzimi në familjen Gaxha është i dyfishtë.
Partnerja e tij mësohet se është në pritje të ëmbël, duke e bërë këtë moment të jetës së tyre edhe më të magjishëm.
Pas gjithë atyre viteve në qendër të vëmendjes dhe hiteve të panumërta, Adriani duket se ka gjetur qetësinë dhe lumturinë e vërtetë familjare, duke i mbajtur momentet më të shtrenjta për veten dhe rrethin e tij të ngushtë. /Prive By Liberta Spahiu
