Po e shohim kudo në top formë, të kuruar deri në detaj dhe më rrezatuese se kurrë në setet e fundit fotografike, sidomos për fushatat e biznesit të saj, “Fjolla Morina Store”.
Por, le të jemi të sinqertë, duket se ky shkëlqim nuk vjen vetëm nga sukseset në sipërmarrje, por edhe nga mbyllja e disa kapitujve të rëndësishëm në jetën e saj private.
Ndonjëherë fundi i një lidhjeje është fillimi i një epoke të re të artë, dhe kështu duket të jetë rasti për këngëtaren e njohur.
Pas përfundimit të rrugëtimit të saj në Big Brother VIP, dinamikat kanë ndryshuar ndjeshëm dhe prioritetet janë riorganizuar totalisht. Pas një periudhe lidhjeje rreth tre vjeçare, Fjolla mësohet se i ka dhënë fund romancës së saj të dashurisë, një marrëdhënie që ajo herë pas here kishte zgjedhur ta ndante me ndjekësit përmes postimeve plot pasion në rrjetet sociale.
Ndarjet asnjëherë nuk janë të lehta për askënd, por Fjolla po tregon se di si të ringrihet dhe të fokusohet maksimalisht tek vetja dhe pavarësia e saj.
Tani për tani, dashuria e saj më e madhe mbetet biznesi, duke lënë pas të kaluarën për të ecur me hapa të sigurt përpara, e duke shijuar lirinë pas një rrugëtimi intensiv televiziv dhe personal. /Prive By Liberta Spahiu
