Pas një mungese të gjatë nga intervistat dhe ekrani, Vesa Vllasaliu është rikthyer në një intervistë pa filtra, ashtu siç nuk e keni parë më herët.
E ftuar ekskluzive në emisionin “Prive by Liberta Spahiu”, bukuroshja vendosi t’i japë fund çdo thashethemi që ka qarkulluar kohët e fundit për jetën e saj private.
E qeshur, e hapur dhe më e sinqertë se kurrë, ajo tregoi të gjitha të rejat nga jeta e saj.
Fokusi kryesor i bisedës ishte padyshim romanca e saj shumë e përfolur dhe kapitulli më i ri i dashurisë. Vesa ndau detaje të ëmbla nga njohja me Mirlindin, duke zbuluar detajin e veçantë me të cilin ai arriti t’ia merrte zemrën.
Por Vesa nuk e la me kaq! Ajo tregoi historinë e takimit me familjen e Mirlindit si dhe rrëfeu historinë e takimit të Mirlindit me prindërit e saj, se si ai udhëtoi drejt Zvicrës posaçërisht për të takuar prindërit e saj, një moment kyç për çiftin.
Surpriza më e bukur e këtij rrëfimi ishte kur ajo foli plot emocion për faktin se tashmë, prej dy muajsh, gëzon epitetin më të ndier në botë: atë të nënës. Vesa rrezatonte një lumturi që fjalët vështirë ta përshkruajnë kur fliste për ndryshimin e madh në jetën e saj. Megjithatë, ajo zgjodhi të ishte tejet reale, duke mos i fshehur vështirësitë. Ajo foli hapur për përjetimin e depresionit pas lindjes, një rrëfim i guximshëm që shërben si mbështetje për shumë gra që kalojnë të njëjtën sfidë.
Vesa nuk i la jashtë vëmendjes as planet e së ardhmes.
Ajo zbuloi detaje rreth planeve të çiftit për dasmë, të cilat mund t’i dëgjoni në materialin më poshtë. /Prive By Liberta Spahiu
