E premtja po afron dhe ethet e finales së madhe të “Big Brother VIP Kosova” kanë kapluar jo vetëm banorët dhe publikun, por edhe vetë stafin realizues!
Teksa të gjithë presin me padurim të mësojnë se kush do ta rrëmbejë çmimin e madh, moderatori i programit, Alaudin Hamiti, ka vendosur të shuajë paksa kuriozitetin e fansave.
Përmes një postimi në Instastory, Alaudini ka ndarë disa pamje nga prapaskenat, ku shihet se puna për ndërtimin e skenografisë për natën finale po ecën me ritme të shpejta. Në foton e publikuar tregohet një pjesë e skenës e cila është në proces montimi, detaj ky i shoqëruar me mbishkrimin e qartë: “Po punohet Big Brother Vip Kosova Finale”.
Duket se produksioni po bën gjithçka gati për një spektakël të vërtetë televiziv këtë të premte, i cili premton surpriza dhe emocione të mëdha. Tashmë mbetet vetëm të presim për të parë se si do të duket skena në përfundim dhe mbi të gjitha… kush do të jetë fituesi! /Prive By Liberta Spahiu
