Situata rreth afrimitetit mes DJ Gimbos dhe Selin në shtëpinë e Big Brother VIP Albania nuk po komentohet vetëm nga publiku, por tashmë është kthyer në një diskutim të hapur mes familjarëve të tyre jashtë.
Pas “dritës jeshile” që dha motra e Gimbos, e cila iu përgjigj pozitivisht pyetjes së një faqeje fansash nëse nëna e jep Selin në Kosovë, tani ka ardhur një tjetër reagim epik.
Këtë herë, është vëllai i banores, Onno, ai që ka vendosur të ndërhyjë me sportivitet në këtë telenovelë virtuale që po luhet në rrjetet sociale.
Në të njëjtën hapësirë komentesh në profilin e Selin në Instagram, Onno nuk ka lënë pa i kthyer një përgjigje faqes që nisi gjithë këtë zinxhir reagimesh. Me një dozë të theksuar humori, ai i ka kthyer koment faqes duke i shkruar se, me sa di ai, për këto punë nuk pyetet nëna. Ky koment ka shkaktuar menjëherë ilaritet te ndjekësit, duke nxitur edhe faqen që t’i kthejë përgjigje. Administruesi i llogarisë ka replikuar duke qeshur dhe duke u shprehur se nëse do ta dinte që komenti do të bënte kaq shumë zhurmë, do ta formulonte pyetjen ndryshe, për të pyetur paraprakisht nëse e japin babai dhe vëllai në Kosovë.
Këto shkëmbime tregojnë qartë se të dyja palët e familjeve po e ndjekin me vëmendje dhe humor rrugëtimin e dyshes në shtëpinë më të famshme në Shqipëri. Ndërkohë që Gimbo dhe Selin vazhdojnë të kalojnë kohë pranë njëri-tjetrit pa e ditur se çfarë po ndodh jashtë, ndjekësit po shijojnë në maksimum këtë përplasje batutash mes familjarëve. Mbetet për t’u parë se si do të zhvillohet raporti mes të dyve brenda mureve të shtëpisë, ndërsa jashtë duket se akulli është thyer. /Prive By Liberta Spahiu
