E diela kërkon qetësi, pak melankoli dhe padyshim një kolonë zanore që të bën të mendosh për ndjenjat apo kujtimet e vjetra. F
iks në kohën e duhur, miqtë prej shumë vitesh, Ardit Çuni dhe Samanta Karavella, kanë vendosur të bashkojnë forcat për të na sjellë atë që po kthehet me shpejtësi në baladën e preferuar të momentit. Projekti i tyre më i ri i përbashkët, i titulluar “Ende Te Dua”, është publikuar vetëm para pak ditësh.
Të gjithë e dimë se dyshja ka një kimi fantastike profesionale dhe një miqësi shumë të ngushtë. Ata kanë qenë përherë mbështetësit më të mëdhenj të njëri-tjetrit, duke ndarë udhëtime, duke mbrojtur njëri-tjetrin nëpër intervista të ndryshme dhe duke treguar se si duhet të jetë një raport i shëndoshë mes dy kolegësh.
Tani, pas gjithë asaj kohe, ata e kanë përkthyer gjithë atë energji dhe besnikëri miqësore në një projekt muzikor që flet vetë dhe po prek zemrat e publikut.
“Ende Te Dua” vjen e shoqëruar me një videoklip xhiruar përtej oqeanit aty ku Samanta jeton prej kohësh e ku Arditi shkon shpesh.
Fansat po e presin jashtëzakonisht mirë këtë rikthim të tyre, dhe komentet tregojnë se një baladë e fuqishme e kënduar nga dy zëra që përshtaten kaq bukur ishte saktësisht ajo që i mungonte tregut tonë muzikor këtë fillim viti. Nëse nuk e keni kaluar ende nga ekrani juaj, bëjini vetes një nder dhe shtojeni në playlistën tuaj të kësaj të diele. /Prive By Liberta Spahiu
