Pas një periudhe të gjatë bashkëpunimi dhe suksesi në industrinë muzikore, Pëllumb Citaku ka zyrtarizuar lëvizjen e tij të radhës profesionale.
Ish-menaxheri i njohur i këngëtares Dafina Zeqiri, i cili ishte krahu i saj i djathtë për më shumë se një dekadë, tashmë është bërë pjesë e kompanisë “Three60 Music”.
Lajmi u bë i ditur përmes një njoftimi zyrtar nga faqja e kompanisë në rrjetet sociale.
“Three60 Music” shprehu kënaqësinë për këtë bashkëpunim të ri, duke njoftuar se Pëllumbi do të udhëheqë të gjitha operacionet e “booking” për listën e artistëve të tyre. Sipas kompanisë, ai sjell me vete një përvojë të madhe, kredibilitet dhe një vizion që përputhet me drejtimin e tyre të ardhshëm.
Ky ndryshim vjen pasi vitin që lamë pas, Pëllumbi dhe Dafina Zeqiri ndërprenë bashkëpunimin e tyre shumëvjeçar, i cili zgjati për më shumë se 10 vite. Gjatë asaj kohe, ata arritën kulmet e suksesit në estradën shqiptare, duke e bërë ndarjen e tyre profesionale një nga lajmet më të komentuara të vitit.
Tashmë, me rrjetin e tij të gjerë dhe mendësinë strategjike, Pëllumbi pritet të shtojë vlerë të madhe jo vetëm për kompaninë “Three60 Music”, por për çdo artist që ata përfaqësojnë.
Ky hap shënon një fillim të ri dhe mjaft premtues për karrierën e tij në një platformë të re. /Prive By Liberta Spahiu
View this post on Instagram
