Victoria Beckham ka lënë mënjanë çdo krisje raportesh brenda familjes, për t’i dedikuar fjalët më të ëmbla djalit të saj të madh, Brooklyn, në ditën e tij të lindjes. Pavarësisht distancës apo zërave që qarkullojnë, lidhja e nënës me djalin duket se mbetet e palëkundur.
Përmes llogarisë së saj në Instagram, stilistja e njohur ka ndarë disa imazhe të rralla e nostalgjike nga fëmijëria e Brooklyn.
Në një prej fotove ku shfaqet ajo duke mbajtur djalin e vogël në krahë, Victoria ka shkruar: “Gëzuar ditëlindjen e 27-të Brooklyn, të dua kaq shumë”, shoqëruar me shumë zemra të kuqe. Ndërsa në një tjetër postim të ëmbël familjar në pishinë, ku shfaqet edhe David Beckham, ajo shton: “Gëzuar ditëlindjen Brooklyn, të duam shumë”.
Ky urim i ngrohtë publik vjen në një kohë kur familja ka kaluar “drama familjare” dhe një ftohje të raporteve mes familjes Beckham dhe djalit të tyre, kryesisht për shkak të tensioneve të supozuara me bashkëshorten e tij, Nicola Peltz.
Megjithatë, me këto postime plot dashuri e nostalgji, Victoria ka zgjedhur të mbyllë gojët e liga dhe të tregojë se në një ditë kaq speciale, familja dhe dashuria prindërore qëndrojnë mbi çdo dramë të mundshme mediatike. /Prive By Liberta Spahiu
