Fituesi i edicionit të katërt të “Big Brother VIP Kosova”, Londrimi, duket se ka plane shumë më të mëdha sesa thjesht të shijojë trofeun e shtëpisë më të famshme. Së fundmi, ai ka qenë i ftuar në emisionin e Meriton Mjekiqit, ku krahas detajeve për aventurën e tij të gjatë televizive, ka zbuluar një anë krejtësisht të panjohur për publikun. Me sa duket, muzika nuk është i vetmi opsion apo talent i tij.
Kush e kishte menduar se synimet e djaloshit kapërcenin kufijtë e skenave shqiptare për të hyrë thellë në industrinë evropiane të modës? Gjatë bisedës mjaft të lirshme me Meritonin, Londrimi foli me plot vetëbesim për pasionin e tij dhe ambiciet për të qenë pjesë e shtëpive më prestigjioze. Kur u pyet se ku do ta shihte veten nëse jo në muzikë, përgjigja e tij ishte e menjëhershme dhe mjaft specifike.
“Model. Për Balenciaga, YSL, për Prada. Me Dsquared e kam pasë një mini bashkëpunim. U pata zgjedh me shku në Milano me shku me bë njëfarë ecje. Dy herë u pata përzgjedh, një herë në Madrid dhe tjetrën në Milano. Kam qejf shumë me qenë në industrinë e modës. Pasion. Pse jo mos me qenë brand ambassador. Jam i gjatë 1 e 92,” deklaroi Londrimi me plot bindje.
Me gjatësinë prej 1.92 metra dhe atë karizmën që ia pamë të gjithë brenda shtëpisë, nuk do të ishte aspak e çuditshme që ta shohim duke sfiluar për markat më të njohura botërore shumë shpejt. Ai e ka bërë të qartë se të qenit një ambasador brandi luksoz është një synim i hapur dhe jo thjesht një ëndërr sirtari. Intervistën e plotë dhe të gjitha detajet nga biseda e tij mund t’i gjeni në videon e mëposhtme.
