Egi Gjyzeli, banorja e cila përfundoi rrugëtimin e saj dhe u eliminua këtë të martë nga shtëpia e “Big Brother VIP Albania”, është rikthyer menjëherë në krahët e njerëzve të saj më të dashur.
Pas daljes nga spektakli, ish-banorja ka ndarë me ndjekësit në rrjetet sociale një moment mjaft të ngrohtë dhe emocionues. Përmes një postimi në Instastory, Egi ka publikuar një foto ku shfaqet duke u përqafuar plot mall me djalin e saj.
Ndonëse ora ishte e vonë, ai kishte vendosur ta priste të ëmën për t’i uruar mirëseardhjen. “Jeta ime që më priti zgjuar pasi dola nga Bigu (Dhe pse unë s’isha dakord se të nesërmen kishte shkollë),” – ka shkruar Egi krahas imazhit, duke përcjellë gjithë emocionin e këtij ribashkimi të shumëpritur nënë e bir.
Një rikthim vërtet i ëmbël në shtëpi pas një eksperience televizive. /Prive By Liberta Spahiu
