Rreth një muaj më parë, pas pas ditës së Shën Valentinit, ne ju njoftuam ekskluzivisht mbi identitetin e vajzës që i kishte vjedhur zemrën reperit.
Era Berisha ishte emri që theu akullin e jetës private të Getinjos, një pjesë që ai e kishte mbrojtur me shumë fanatizëm për vite me radhë. Gjërat mes tyre dukeshin se po shkonin aq mirë, sa vetë reperi nuk i rezistoi tundimit për të ndarë publikisht momente me të, diçka tepër e rrallë për të.
Por kohët e fundit një distancim i dukshëm është vënë re mes dyshes. Kjo situatë është reflektuar qartë edhe në rrjete sociale, ku interaksionet kanë rënë dhe mungojnë postimet e përbashkëta.
Megjithatë, burimet e Prive By Liberta Spahiu bëjnë të ditur se ka një krizë mes çiftit, por me gjasë jo një ndarje përfundimtare. Mbetet për t’u parë nëse kjo është thjesht një fazë kalimtare apo nëse gjërat do të kthehen në normalitet, ndërsa ne po i ndjekim me vëmendje. /Prive By Liberta Spahiu
