Aktori i famshëm dhe legjenda e arteve marciale, Chuck Norris, ka ndërruar jetë në moshën 86-vjeçare.
Lajmi i trishtë u konfirmua nga vetë familja e tij përmes një deklarate zyrtare në rrjetet sociale këtë të premte.
Sipas raportimeve nga mediat ndërkombëtare, ikona e kinematografisë u nda nga jeta pas një urgjence mjekësore që çoi në shtrimin e tij të menjëhershëm në një spital në Hawaii.
Në një postim në Instagram, familja kërkoi privatësi gjatë kësaj periudhe të vështirë, teksa shkruan: “Me zemër të thyer, familja jonë njofton ndarjen e papritur nga jeta të të dashurit tonë Chuck Norris, mëngjesin e djeshëm. Ndërsa dëshirojmë t’i mbajmë rrethanat private, ju lutemi ta dini se ai ishte i rrethuar nga familja e tij dhe u largua në paqe.”
Chuck Norris fitoi famë mbarëbotërore jo vetëm për aftësitë e tij të jashtëzakonshme në artet marciale, por edhe për rolet e tij të pavdekshme në filma aksion dhe serialin hit “Walker, Texas Ranger”. Ai lë pas një trashëgimi të madhe në industrinë e showbizit dhe një vend të veçantë në kujtesën e miliona adhuruesve anembanë botës. /Prive By Liberta Spahiu
