Një zhvillim i papritur ka ardhur mbrëmjen e sotme për Kleviol Ahmetin, reperin e njohur si Cllevio, i cili aktualisht ndodhet në vuajtje të dënimit.
Vetëm pak minuta më parë, në llogarinë e tij zyrtare në Instagram është publikuar një imazh që ka ngritur pikëpyetje mbi gjendjen e tij shëndetësore.
Në foton e ndarë në Instastory, shihet qartë një ambient spitalor dhe dikush i shtrirë në sallën e ndërhyrjeve. Ajo që vihet re menjëherë është mbishkrimi i vendosur mbi imazh: “Presim Ganggon dali nga Operacioni tragjik”, shoqëruar me një emoji lutjeje.
Fakti që teksti është shkruar në shumës, lë të kuptohet se llogaria e reperit po menaxhohet nga njerëzit e tij të afërt në këto momente. Për më tepër, vendndodhja e etiketuar tregon Spitalin Rajonal Memorial, i cili ndodhet pikërisht në qytetin e Fierit.
Ky lokalizim gjeografik nuk është aspak rastësor dhe përputhet plotësisht me faktin që Cllevio po mbahet në burgun e këtij qyteti.
Dërgimi i tij nga qelia drejt spitalit rajonal nënkupton se reperi ka pasur një komplikacion shëndetësor që ka bërë të detyrueshme ndërhyrjen e specializuar mjekësore jashtë ambienteve të institucionit të vuajtjes së dënimit. Megjithëse vetë menaxhuesit e llogarisë kanë përdorur fjalën “tragjik” në mbishkrim, ende nuk ka detaje të sakta mjekësore mbi arsyet specifike të këtij operacioni.
Ndjekësit mbeten në pritje të përditësimeve nga faqja zyrtare për të parë se si do të shkojë gjendja e reperit pas këtij episodi. /Prive By Liberta Spahiu
