Këngëtarja e njohur shqiptare, Ryva Kajtazi, ka ndarë momente të veçanta gëzimi me ndjekësit e saj në rrjetet sociale. Shkak për këtë festë është bërë një ditë mjaft e rëndësishme për familjen e saj: ditëlindja e vajzës, Dorelës, e cila ka mbushur plot 9 vjeç.
Përmes një postimi në llogarinë e saj zyrtare në Instagram, Ryva ka publikuar një fotografi mjaft të bukur, ku shfaqet e buzëqeshur krah së bijës gjatë festës. Krahas fotos, artistja nuk ka ngurruar t’i dedikojë fjalë të ngrohta dhe plot dashuri vogëlushes, duke shkruar shkurt por me shumë emocion: “Gëzuar ditëlindjen, princesha ime”.
Në imazhin e ndarë me publikun, bie në sy atmosfera festive e kuruar në detaje. Dekori i ditëlindjes mbizotërohet nga ngjyrat e ëmbla rozë dhe e bardhë, ku në sfond shkruhet “Dorela 9”.
Postimi i këngëtares ka tërhequr menjëherë vëmendjen e ndjekësve, miqve dhe kolegëve të saj. Seksioni i komenteve është mbushur me urime të panumërta dhe fjalë të përzemërta nga miq dhe personazhe të njohur, të cilët i urojnë Dorelës shëndet, lumturi dhe jetë të gjatë në këtë ditë të veçantë.
/Prive By Liberta Spahiu
View this post on Instagram
