Edhe pse për publikun e gjerë u krijua përshtypja se pas përfundimit të aventurës në Big Brother VIP Kosova dyshja nuk do të kishte më asnjë lloj kontakti komunikimi, e vërteta qëndron krejt ndryshe.
Ata, në heshtje dhe pa bërë zhurmë mediatike, kanë vazhduar të merren me njëri-tjetrin gjatë gjithë këtyre muajve të fundit. Është një raport i mbushur me luhatje, herë me pajtime e shpesh me tensione të forta, duke mbajtur gjallë të njëjtën dinamikë toksike që shqiptarët e panë qartë të shpalosej në plot dy formate të ndryshme televizive. E mesa duket, drama nuk ka të ndalur, pasi zhvillime të reja kanë ndodhur edhe së fundmi.
Burimet tregojnë për Prive By LS se Limi ka marrë vendimin për të shkëputur përfundimisht çdo gjë mes tyre. Kjo lëvizje e ka prekur dhe lënduar thellë emocionalisht Albën, e cila është shprehur përmes disa postimeve të premten mbrëma, të cilat u pendua dhe i fshiu me shpejtësi nga rrjetet sociale pak minuta më vonë.
Përkundër vëmendjes së madhe që dyshja ka, ata aktualisht po e gjejnë veten totalisht të distancuar nga paraqitjet publike. /Prive By Liberta Spahiu
