Ish-banorja e edicionit të tretë të “Big Brother VIP Kosova”, Ana Ejupi, ka shqetësuar ndjekësit, pasi ka ndarë një foto nga spitali, duke treguar se po përballet me disa probleme shëndetësore.
Përmes një postimi në Instastory, ku shihet e shtrirë në shtratin e spitalit duke marrë një serum, Ana shkroi: “Kjo javë filloi vështirë”.
Për të qetësuar fansat e shqetësuar që i kanë dërguar mesazhe të shumta, ajo bëri një tjetër postim ku tregoi një tavolinë me disa medikamente dhe sqaroi gjendjen e saj.
Ana zbuloi se prej dy javësh po vuan nga dhimbjet e veshkave dhe pas vizitave mjekësore, ka zbuluar se i janë krijuar gurë.
“Faleminderit krejt për mesazhet. Për krejt që keni pyetur, që 2 javë kam pasur dhimbje të vazhdueshme të veshkës edhe sot e kemi parë që më janë formuar (zallë, gurë). Po pres me u bë më mirë sa më shpejt edhe me u kthyer prapë. Ju dua,” ka shkruar ish-banorja krahas fotos.
Urojmë që Ana ta kalojë këtë situatë sa më lehtë dhe të ketë një shërim të shpejtë! /Prive By Liberta Spahiu
