Dua Lipa dhe i fejuari i saj, Callum Turner, raportohet se kanë vendosur të shmangin një dasmë të madhe dhe pompoze, duke preferuar një ceremoni më të vogël dhe shumë më intime.
Këngëtarja 30-vjeçare dhe aktori 36-vjeçar mendohet se tashmë e kanë caktuar datën për të kurorëzuar dashurinë e tyre këtë verë. Destinacioni? Dyshja thuhet se ka vizituar disa lokacione në Itali dhe në Britaninë e Madhe, ndaj gjasat për një ceremoni përrallore jashtë vendit janë të larta.
Ndonëse rrethohen nga miq të rëndësishëm të botës së spektaklit—si Elton John, Olivia Dean, Mark Ronson apo Charli XCX—çifti ka vendosur ta mbajë rrethin e të ftuarve të ngushtë dhe ka qenë mjaft “i rreptë” me selektimin.
Përgatitjet “Top Secret” për dasmën e verës
Një burim i afërt me çiftin zbuloi për The Sun:
“Përgatitjet për dasmën e Duas dhe Callum-it po ecin me ritme të shpejta, por gjithçka po mbahet tepër e fshehtë. Ceremonia do të zhvillohet këtë verë – ajo do të jetë zyrtarisht e martuar para se të festojë ditëlindjen e saj të 31-të në gusht.”
Burimi shtoi se fokusi i tyre është te njerëzit e zemrës: “Aty do të jenë të gjithë njerëzit e tyre më të dashur, por nuk do të mungojnë as surprizat në listë. Disa miq që prisnin të ftonin një person shoqërues (plus one) janë njoftuar se kjo nuk do të jetë e mundur, pasi duan ta mbajnë numrin e të ftuarve sa më të kufizuar.”
View this post on Instagram
Historia e dashurisë dhe planet e së ardhmes
Romanca mes Duas dhe Callum-it nisi në janar të vitit 2024, ndërsa fejesa u konfirmua në qershor të po atij viti.
Gjatë një interviste për British Vogue, artistja me origjinë shqiptare u shpreh e emocionuar:
“Po, jemi të fejuar dhe është një ndjesi e mrekullueshme. Vendimi për t’u plakur bashkë, për të ndarë jetën dhe për të qenë miqtë më të mirë të njëri-tjetrit përgjithmonë, është diçka vërtet unike.”
Për sa i përket dasmës, Dua tregoi se fillimisht kishte preferuar të shijonte momentin: “Doja të mbyllja turneun, ndërkohë që Callum ishte me xhirime. Nuk kam qenë kurrë nga ato vajza që ëndërrojnë për dasmën apo për fustanin e nusërisë, por papritur e gjeta veten duke pyetur: ‘Oh, po unë çfarë do të vesh?'”
Dua, e cila e përmbylli turneun e saj botëror në dhjetor, u shpreh e dashuruar pas unazës së fejesës, duke theksuar: “Është një ndjesi shumë e bukur të dish që personi me të cilin do të ndash jetën, të njeh kaq mirë.”
/Prive By Liberta Spahiu
