Ludo Lee ka vendosur të mos mbajë asgjë të fshehtë në paraqitjen e tij të fundit televizive. Në një intervistë të shpejtë dhe krejtësisht pa filtra për “Prive By Liberta Spahiu”, ai ka vendosur të flasë hapur duke u përgjigjur pa hezitim.
Përmes sfidës tashmë të famshme prej 60 sekondash, ai u përball me pyetje mjaft të drejtpërdrejta dhe ngacmuese. Kjo intervistë e shkurtër nxori zbuluar detaje interesante nga jeta e tij personale, si dhe dinamikat e marrëdhënieve që ka me personazhet e tjerë pas përfundimit të lojës.
Megjithatë, deklarata që mori vëmendjen kryesore ishte ajo rreth dy opinionisteve të “Big Brother VIP Kosova”. I vendosur përballë pyetjeve të shpejta, Ludo u shpreh prerë se, po të ishte në dorën e tij, as Oltës dhe as Leonorës nuk do t’ua vazhdonte më kontratën për të qenë pjesë e formatit në pozitën e opinionistes. /Prive By Liberta Spahiu
