Këngëtarja e njohur Dafina Zeqiri feston sot ditëlindjen e saj të 37-të, por ky vit nuk ngjan me asnjë tjetër.
Bashkëshorti i saj, Kreshnik Gjergji, ka zgjedhur fjalët më të bukura për ta uruar “mbretëreshën” e tij publikisht, duke ndarë një foto të veçantë të tyre.
Në postimin e tij, Kreshniku nuk i ka kursyer elozhet për Dafinën, duke e cilësuar si shtyllën e familjes:
“Gëzuar ditëlindjen gruas sime të jashtëzakonshme – më e fortë, më punëtore dhe më mbështetëse në botë. Ti qëndron pranë meje në çdo betejë dhe e bën çdo fitore më të ëmbël. Jam krenar për ty dhe fatlum që eci në jetë me ty në krah,” u shpreh ai.
Ajo që e bën këtë 37-vjetor vërtet unik është prania e djalit të tyre, Daskan. Ky është viti i parë që Dafina e feston ditëlindjen e saj me statusin e ri si nënë, një moment që ka ndryshuar plotësisht botën e artistes.
Pas një viti të suksesshëm në muzikë dhe jetën private, kjo festë familjare vërteton se Dafina po jeton periudhën më të bukur të jetës së saj, mes dashurisë së partnerit dhe buzëqeshjes së djalit të vogël.
Shumë urime për Dafinën! /Prive By Liberta Spahiu
