Teuta Krasniqi mund të ketë pasur shumë role të suksesshme në teatër dhe televizion përgjatë karrierës së saj, por roli i saj i preferuar mbetet padyshim ai i nënës. E sonte, aktorja e njohur ka ndarë me ndjekësit e saj në rrjetet sociale një nga ato momentet e veçanta që çdo prind do të donte t’i përjetonte. Vajza e saj e vogël, Kaia, e cila tashmë po rritet me shpejtësi, ka treguar se përveç ëmbëlsisë që ka trashëguar, zotëron edhe një mendje mjaft të mprehtë.
Përmes një postimi në llogarinë e saj në Instagram, Teuta publikoi një fotografi ku shfaqet mjaft e buzëqeshur krah Kaias. E vogla mban me krenari në duar një certifikatë zyrtare të testit të inteligjencës (IQ).
Bashkë me to në foto është edhe psikologu klinik Visar Sadiku, pranë institutit të të cilit është kryer edhe ky vlerësim psikologjik.
Aktorja nuk e fshehu dot gëzimin e madh dhe emocionet e kësaj arritjeje, duke u shprehur: “Pafundësisht e lumtur për nivelin e lartë të inteligjencës së Kaias nga testimi.”
Kjo tregon qartë përkushtimin që ajo dhe bashkëshorti i saj, Adonis Morina, kanë në zhvillimin e hershëm të vajzës së tyre.
Në të njëjtin postim, Teuta gjithashtu shfrytëzoi rastin për të vlerësuar punën e psikologut Sadiku, duke e cilësuar profesionalizmin e tij dhe vlerat që ai përfaqëson si një aset të çmuar për të gjithë shoqërinë tonë.
Është gjithmonë një kënaqësi e veçantë kur personazhet tanë publikë ndajnë lajme të tilla pozitive që i largojnë pak nga dinamikat e showbizit dhe na tregojnë anën e tyre më njerëzore dhe familjare. Me sa duket, Kaia e vogël ka një të ardhme shumë premtuese përpara. /Prive By Liberta Spahiu
