Romanca e Joe Jonas me Tatiana Gabriela po bëhet gjithnjë e më serioze. Anëtari i grupit Jonas Brothers konfirmoi se është në një lidhje me modelen portorikane, duke e bërë publike marrëdhënien e tyre në rrjetet sociale. Në një nga fotot e publikuara më në Instagram, Tatiana shfaqet mjaft e afërt me këngëtarin.
Megjithatë, ylli i dikurshëm i Disney Channel nuk u ndal me kaq në prezantimin e lidhjes së tij të re. Ai gjithashtu ndau një pamje më të thellë të romancës së tyre në vlogun e tij në YouTube. Në videon 9-minutëshe, Joe dhe Tatiana shihen duke bërë shaka me njëri-tjetrin, ndërsa ajo përpiqet t’i mësojë disa fjalë në gjuhën e saj amtare. “Ajo po më ndihmon me spanjishten time,” i tha Joe kamerës, para se të detajonte ditën e tyre duke eksploruar ishullin, duke provuar restorantet lokale dhe duke u hedhur në një ujëvarë të mrekullueshme.
Ndonëse dyshja kishte nxitur thashetheme për një romancë që prej nëntorit të kaluar, Joe kishte shpjeguar më parë se sa e vështirë është të balancojë jetën e dashurisë me karrierën e tij muzikore. Në një intervistë për Esquire në tetor, ai u shpreh se pesë koncerte radhazi nuk e bëjnë të lehtë të takosh dikë as për një kafe, por pranoi se rrjetet sociale si Instagram dhe TikTok e kishin ndihmuar të njihte njerëz të rinj.
/Prive By Liberta Spahiu
View this post on Instagram
