Vetëm pak ditë pas konfirmimit të ëmbël të shtatzënisë, Eronita, partnerja e këngëtarit të njohur Blero, ka vendosur të ndajë detaje të reja dhe shumë të pritura me ndjekësit e saj. Përmes një sesioni pyetje-përgjigje në llogarinë e saj në Instagram, ajo ka shuar kuriozitetin e fansave dhe ka sqaruar një herë e mirë disa nga thashethemet e portaleve rozë.
Lajmi i parë dhe më i gëzueshëm ishte zbulimi i gjinisë së bebes. Eronita ka konfirmuar se dyshja janë në pritje të një djali.
Ky postim vërteton përfundimisht lajmin që qarkullonte prej muajsh, pasi “Prive By Liberta Spahiu” e kishte raportuar këtë detaj kohë më parë përmes rubrikës ‘E vërtetë, e pavërtetë’.
Përveç gëzimit të mëmësisë, Eronita vendosi të prekë edhe një temë mjaft të komentuar në rrjetet sociale: diferencën e moshës mes saj dhe këngëtarit. Kjo temë kishte nxitur shpesh hamendësime dhe kuriozitet të madh nga ndjekësit. Me shumë transparencë, ajo tregoi se diferenca mes tyre është fiks 17 vite, duke i dhënë kështu fund çdo spekulimi apo thashethemi në internet.
Në fund, ajo ka ndarë edhe një moment mjaft simpatik dhe të përditshëm të çiftit lidhur me zgjedhjen e emrit të vogëlushit. Ndonëse vetë Eronita e ka vendosur prej kohësh të preferuarin e saj, duket se Blero është më kërkues. “Ai dëshiron që të jetë shumë i veçantë, ndaj asnjë emër nuk i pëlqen mjaftueshëm”, ka shkruar.
E gjendur në këtë “udhëkryq”, Eronita ka ftuar ndjekësit t’i japin sugjerime për emrin e djalit që pritet të vijë në jetë.
/Prive By Liberta Spahiu
