Ylli britanik i muzikës, Harry Styles, dhe aktorja e famshme, Zoë Kravitz, kanë nxitur sërish thashethemet për një fejesë të mundshme pas një shëtitjeje të fundit në rrugët e Londrës.
Ish-anëtari i “One Direction” dhe vajza e legjendës Lenny Kravitz u panë të veshur me stilin e tyre karakteristik sportiv, por vëmendjen e paparacëve dhe të fansave e mori një detaj mjaft specifik.
Një unazë e re dhe mjaft e spikatur në gishtin e martesës, në dorën e majtë të aktores, ka bërë që rrjeti të vlojë menjëherë nga aludimet.
Megjithëse dyshja njihet për privatësinë e tyre të rreptë dhe tentativat për t’i qëndruar larg vëmendjes së tepërt mediatike, ky aksesor ka mjaftuar që ndjekësit të besojnë se marrëdhënia e tyre ka kaluar tashmë në një tjetër nivel.
Gjatë shëtitjes në kryeqytetin britanik, çifti dukej mjaft i afërt dhe në harmoni me njëri-tjetrin, çka i shton edhe më shumë dyshimet se mund të kemi një propozim zyrtar në horizont.
Mbetet për t’u parë nëse kjo unazë është thjesht një zgjedhje stili e momentit nga ana e Zoë-s, apo një paralajmërim për atë që mund të shndërrohet në dasmën e vitit në showbiz-in ndërkombëtar.
Deri atëherë, fansat po presin me kureshtje çdo konfirmim të mundshëm nga ana e dyshes. /Prive By Liberta Spahiu
