E mbani mend kur Diana Avdiu paralizoi rrjetin me fustanin e saj të nusërisë? Epo, ikona e bukurisë sapo ka ndarë një lajm edhe më të madh. Ish-Miss Kosova dhe partneri i saj, Argjent Garda, kanë mirëpritur fëmijën e tyre të parë dhe lajmi u konfirmua vetëm pak minuta më parë nga vetë modelja.
Përmes një postimi tejet të ndjerë në llogarinë e saj në Instagram, ku shfaqen këmbët e vogla të foshnjës në një fotografi bardhë e zi, Diana zbuloi se është bërë nënë e një djali. Ajo ndau menjëherë edhe emrin e tij, i cili është sa i thjeshtë aq edhe i fuqishëm. “Mrekullia jonë Gjon,” ka shkruar ajo, duke e shoqëruar fjalinë me një zemër të bardhë dhe datën e lindjes, 17.04.2026. Reagimet nga miqtë, kolegët dhe personazhet e tjerë të showbizit ishin të menjëhershme. Emra të njohur si Argjentina Ramosaj nxituan të mbushin menjëherë seksionin e komenteve me urime për jetë të gjatë dhe shëndet.
Ky gëzim i madh vjen si kapitulli më i ri i një romance vërtet të bukur. Kujtojmë se Diana dhe Argjenti e kurorëzuan dashurinë e tyre disavjeçare me martesë gjatë verës së vitit 2024. Dyshja organizoi asokohe një ceremoni jashtëzakonisht luksoze, ku përtej shkëlqimit të modeles me fustanin e bardhë, një moment mbeti i paharruar: Diana e surprizoi bashkëshortin e saj duke i dedikuar live këngën “Na dy”, një projekt muzikor që mori menjëherë vëmendjen e publikut.
Pas asaj feste përrallore që zgjati deri në orët e para të mëngjesit, ardhja e Gjonit e bën këtë familje tërësisht të plotë. Jemi shumë të lumtur për çiftin dhe mezi presim të shohim më shumë nga kjo mrekulli e vogël. /Prive By Liberta Spahiu
