Nëse mendonit se sekreti i vetëm i lëkurës perfekte, të shndritshme dhe të tërhequr maksimalisht të yjeve të Hollywood-it është botoksi apo ndërhyrjet e shtrenjta kirurgjike, mendohuni përsëri, pasi kohët e fundit modelet më të famshme, influencueset e luksit dhe ikonat e ekranit po çmenden pas një truku të vjetër por të rimodernizuar që po zëvendëson gjilpërat në masë të madhe dhe që njihet si “Face Taping” (ngjitja e fytyrës).
Ky truk gjenial, i cili ka qenë për dekada i fshehur në prapaskenat më të rrepta të pasarelave të modës dhe seteve fotografike, konsiston në përdorimin e disa shiritave ngjitës krejtësisht transparentë, elastikë dhe hipoalergjikë, të cilët VIP-at i vendosin me strategji në pikat kyçe të fytyrës, si në pjesën e tëmthave, mollëzave apo pas veshëve, për të tërhequr mekanikisht lëkurën e syve, vetullave dhe qafës.
Fijet e holla elastike që lidhin këta shirita fshihen me shumë mjeshtëri nën flokë ose paruke, duke krijuar një efekt të menjëhershëm “lifting” pa pasur nevojë për periudha rikuperimi apo fryrje artificiale, duke zhdukur çdo rrudhë dhe duke dhënë atë pamjen e famshme dhe aq të kërkuar “Fox Eye” për orë të tëra pa asnjë dhimbje apo kosto marramendëse.
Nga Bella Hadid, Kim Kardashian e deri te yjet më të mëdhenj të muzikës pop, ky sekret i prapaskenave tashmë ka dalë sheshit dhe po përdoret masivisht nga vajzat e njohura edhe gjatë natës për të parandaluar rrudhat e tmerrshme që krijohen nga presioni i jastëkut gjatë gjumit, një trend që po thyen çdo rekord shikueshmërie në TikTok dhe Instagram, ku miliona ndjekës po e përqafojnë si alternativën më të mirë dhe më të shëndetshme “Notox”.
Ky fenomen po ndryshon tërësisht rregullat e lojës në industrinë e bukurisë, pasi femrat po kuptojnë se mund të kenë një fytyrë të lëmuar si porcelan, të freskët dhe gati për tapetin e kuq në kohë rekord, duke shmangur ngrirjen e mimikës dhe duke ruajtur sharmin natyral pa u bërë skllav i klinikave estetike. /Prive By Liberta Spahiu
