Këngëtari i njohur dhe shumë i dashur për publikun, Yll Limani, ka ndarë së fundmi një mesazh mjaft të ndjerë dhe me peshë në rrjetet e tij sociale.
Përmes një postimi në Instastory, artisti ka thyer heshtjen duke reaguar hapur mbi zhvillimet dhe ngjarjet e fundit që po qarkullojnë rreth Zvërnecit.
Në këtë postim, Ylli ka zgjedhur fjalë të matura por mjaft të fuqishme për të shprehur solidarizimin dhe qëndrimin e tij, duke vënë theksin te rëndësia e zërit të qytetarëve, historisë dhe transparencës.
“Zvërneci ❤️
Po mendoj që përpara se të flasim për projekte, plane e shifra, duhet t’i dëgjojmë njerëzit që e kanë dashur atë vend përpara se ai të bëhej lajm.
Në fund të fundit, zhvillimi ka vlerë. Por edhe kujtesa ka vlerë. Natyra ka vlerë. Historia ka vlerë. Besoj që mençuria është të gjejmë një rrugë ku askush të mos ndihet i mposhtur, një rrugë ku askush të mos ndihet i harruar.
Mendoj që shteti duhet të tregohet sa më transparent me qytetarët, sidomos kur bëhet fjalë për vende që kanë kaq shumë rëndësi për komunitetin. Sa më shumë informim, sa më shumë dialog dhe sa më shumë qartësi të ketë, aq më pak hapësirë mbetet për mosbesim dhe përplasje.
Jemi bashkë ❤️”
Përmes këtij reagimi, Ylli ka zbërthyer mjaft mirë shqetësimin që ekziston në opinionin publik.
Ai ka vënë theksin te fakti se njerëzit duhet të jenë gjithmonë para shifrave dhe projekteve të mëdha, duke kërkuar që zëri i komunitetit lokal të jetë i pari që dëgjohet.
Ndonëse sqaron se nuk është kundër progresit pasi “zhvillimi ka vlerë”, artisti vendos një vijë të kuqe duke kujtuar se asgjë nuk mund të bëhet në dëm të natyrës, historisë dhe kujtesës kolektive.
Me këtë qëndrim, Ylli tregon edhe një herë se përtej muzikës, mbetet gjithmonë i ndjeshëm dhe i zëshëm ndaj çështjeve që prekin komunitetin dhe trashëgiminë tonë. /Prive By Liberta Spahiu
