Afrona Dika po përgatitet të festojë ditëlindjen e saj më 9 gusht, por dhuratat për të kanë nisur më herët nga sa pritej.
Partneri i saj u kujdes ta surprizonte modelen përpara ditës së saj të veçantë.
Përmes një postimi në Instagram Story, bukuroshja ka ndarë një pamje ku shihen buqeta me lule rozë e të bardha, paketime luksoze nga marka “Chanel”, ëmbëlsira dhe pije festive.
View this post on Instagram
Krah fotos, ajo ka lënë edhe një mbishkrim mirënjohjeje për të fejuarin: “Para ditëlindjes, faleminderit dashuria ime”, duke treguar vlerësimin për gjestin e tij.
Afrona, e cila ka pothuajse një vit që i ka dhënë fund beqarisë me fejesë, po vazhdon të jetë hermetike duke e mbajtur lidhjen e saj plotësisht private pa zbuluar ende identitetin e partnerit.
Të rralla janë postimet si kjo ku ajo ndan me ndjekësit copëza nga jeta e saj e dashurisë, duke zgjedhur ta shijojë lumturinë e saj larg syrit të publikut.
Por me këto dhurata, Afrona la të nënkuptohet se është një grua plotësisht me fat. /Prive By Liberta Spahiu
