Ditët e fundit, rrjeti dhe mediat rozë kanë zier nga thashethemet se dy këngëtarët e njohur, Stine dhe Rovena Dilo, do të ishin banorët më të rinj që do t’i bashkoheshin shtëpisë së famshme të Big Brother VIP Albania.
Dhe ndërsa një pjesë e thashethemit doli e vërtetë, me Stinen që u bë zyrtarisht banor gjatë spektaklit të mbrëmshëm (Prime), mungesa e Rovena Dilos ra në sy. Kjo bëri që shumë ndjekës të aludonin se hyrja e saj është shtyrë për spektaklin e radhës, atë të së martës.
Por, a do të hyjë Rovena Dilo të martën? Përgjigja duket të jetë “JO”.
Një detaj i rëndësishëm, i cili ka kaluar pa u vënë re nga shumëkush, konfirmon se këngëtarja nuk mund të jetë pjesë e formatit, të paktën jo gjatë ndërrimit të viteve.
Sipas një posteri zyrtar të publikuar nga restoranti “Jardin” në Prishtinë, Rovena Dilo është e konfirmuar për të performuar LIVE mbrëmjen e 1 Janarit.
Formati i Big Brother VIP kërkon izolim total të banorëve, dhe fakti që Rovena ka një kontratë aktive për të kënduar në Prishtinë natën e parë të vitit 2024, tregon se ajo do të jetë e lirë dhe jo e izoluar brenda shtëpisë më të vëzhguar në Shqipëri.
Pra, ndërsa Stine ka nisur rrugëtimin e tij brenda shtëpisë, fansat e Rovenës do të kenë mundësinë ta shohin atë në skenë në Prishtinë, dhe jo duke debatuar në dhomën e ndenjes së BBVA—të paktën jo për momentin.
Mbetet për t’u parë nëse këngëtarja do t’i bashkohet kastit në një moment të dytë pas festave, apo nëse emri i saj ishte thjesht pjesë e vorbullës së thashethemeve. /Prive By Liberta Spahiu
View this post on Instagram
