Festa e 70-vjetorit të Kris Jenner ishte padyshim ngjarja më e komentuar e javës në Hollywood. E organizuar në rezidencën luksoze të Jeff Bezos në Beverly Hills dhe me tematikë “James Bond”, festa mblodhi yjet më të mëdhenj, duke përfshirë Oprah Winfrey, Adele, Mariah Carey, e madje edhe Meghan Markle e Princin Harry.
Por, siç ndodh shpesh në eventet e familjes Kardashian, një detaj argëtues ka tërhequr vëmendjen e të gjithëve, dhe këtë herë protagonisti është reperi legjendar, Snoop Dogg.
Vetë Kim Kardashian ka zbuluar në një intervistë të fundit bisedën e pazakontë që pati me Snoop pak para festës. Reperi, i njohur globalisht për dashurinë e tij të hapur për marihuanën, i ka dërguar një mesazh zanor (voice note) Kim-it për t’u siguruar që po ndiqte rregullat e shtëpisë.
Pyetja e tij ishte e thjeshtë dhe e drejtpërdrejtë: “A është në rregull nëse pi duhan [bar] në festë?”
Snoop Dogg shpjegoi më tej në mesazhin e tij: “Nuk dua të tregohem i pasjellshëm. Por unë nuk pi shumë [alkool], më pëlqen të pi [bar], ndaj thjesht më thuaj nëse është në rregull.”
Kim tregoi se reagimi i saj ishte shumë pozitiv. Ajo e cilësoi reperin si “shumë të ëmbël” dhe të sjellshëm që mendoi të pyeste përpara se të supozonte diçka.
“Sigurisht që mundet!” tha Kim se i ishte përgjigjur, duke i dhënë dritën jeshile reperit për të shijuar festën në mënyrën e tij karakteristike. /Prive By Liberta Spahiu
