Një pjesë e ish-banorëve të “Big Brother VIP 4” janë zhvendosur për pushime në kuadër të xhirimeve për sezonin e ri të “Pushime on Top”, që pritet të rikthehet së shpejti në ekranin e Top Channel.
Rizarta, Krisa dhe Shkëlzeni janë disa prej emrave që po shijojnë ditët nën diellin e resortit luksoz, teksa pak më parë u përfshinë në një lidhje live me emisionin “Pardon My French”.
Moderatorja Jonida Alickolli nuk la pa e ngacmuar çiftin më të komentuar të momentit – Rizartën dhe Shkëlzenin – për të cilët kanë qarkulluar thashetheme se janë më shumë se miq.
Por Shkëlzeni i vuri pikë zërave duke deklaruar:
“Lajmet kanë dalë, po janë false. Ka qenë ish-e preferuar, ne e kemi lënë Big-un atje. Tani e preferuar e gjithë resortit është Lei!”
Ndërkohë Rizarta ndërhyn me klasike:
“Jemi vetëm miq.”
Në një kthesë të papritur, Shkëlzeni zbuloi se është tashmë në një lidhje serioze – por partnerja e tij nuk ndodhet në resort.
“Kështu që nuk ka asgjë mes meje dhe Rizartës, përveçse një miqësie të pastër,” – tha ai, duke shuar çdo aludim.
Nga ana tjetër, Rizarta nuk ngurroi të shprehë lodhjen nga thashethemet:
“Mua më kanë lidhur me 1 mijë veta. Mjafton të më shohin në foto me një djalë, dhe menjëherë më bëjnë çift.”
Ajo tregoi gjithashtu për një buqetë me lule të ardhur në mënyrë anonime në resort, që u mendua se ishte nga Shkëlzeni – por jo, misteri mbetet ende pa zgjidhje.
Po mos vallë dashuria luan fshehurazi edhe larg kamerave? /Prive By Liberta Spahiu
