Adele është bërë kryefjalë e mediave dhe rrjeteve sociale, këtë herë jo për ndonjë projekt të ri muzikor, por për mënyrën se si e ka shijuar koncertin e koleges së saj, Dua Lipa.
View this post on Instagram
Këngëtarja britanike u filmua duke kërcyer plot energji gjatë performancës së hitit “Don’t Start Now” në koncertin e turneut të Dua Lipës, duke treguar një anë të saj krejtësisht të lirshme dhe plot gjallëri.
Videoja, e cila u publikua në TikTok nga një ndjekës që ndodhej në sallë, është bërë virale brenda pak orësh, duke mbledhur mijëra pëlqime e komente. Në pamje shihet Adele duke kënduar dhe lëvizur në ritmin e këngës, ndërsa publiku përreth saj duket i emocionuar nga prania e saj. Me një veshje të thjeshtë, pa bujë dhe me një buzëqeshje të sinqertë, ajo ka dëshmuar edhe një herë pse fansat e adhurojnë për natyrshmërinë dhe shpirtin e saj pozitiv.
Në rrjete sociale, përdoruesit kanë shpërndarë pamjet me komente të shumta si “Ajo është njëra prej nesh!” dhe “E dua mënyrën si e jeton muzikën”. Ky moment është bërë simbol i spontanitetit dhe dashurisë së pastër për artin, duke treguar se edhe yjet botërorë nuk i rezistojnë dot energjisë së Dua Lipës në skenë.
@duasvertigo Adele was getting her LIFE at the Dua Lipa concert last night omg.. she’s just like me fr #dualipa #adele #radicaloptimismtour #fyp #foryou ♬ original sound – duasvertigo Adele dhe Dua Lipa janë dy prej emrave më të suksesshëm të muzikës britanike në dekadën e fundit.
Për momentin, interneti po “shpërthen” nga entuziazmi për këtë video që e tregon Adele siç e duan të gjithë — autentike, plot jetë dhe e zhytur në ritmet e muzikës. /Prive By Liberta Spahiu
