Këngëtarja ikonë e skenës shqiptare, Adelina Ismaili, ka shënuar një moment kulmor në historinë e saj të karrierës muzikore, duke festuar plot katër dekada të karrierës së saj të jashtëzakonshme artistike.
Pak para nisjes së koncertit të saj recital madhështor, Adelina u nderua me një vlerësim të lartë shtetëror, duke marrë Medaljen Presidenciale të Meritave nga Presidentja e Kosovës, Vjosa Osmani.
Ky dekorim i lartë është një njohje e merituar për kontributin kolosal që zëri i saj e figura e saj unike kanë dhënë ndër dekada, duke transformuar dhe pasuruar fushën e artit dhe kulturës shqiptare.
View this post on Instagram
Adelina Ismaili, jo vetëm si një këngëtare, por si një simbol i emancipimit, guximit dhe lirisë artistike, ka lënë një gjurmë të pashlyeshme. Muzika e saj, me hite që i kanë rezistuar kohës, konsiderohet tashmë si e pavdekshme, duke frymëzuar breza të tërë dhe duke qenë zëri i shumë ndryshimeve shoqërore.
Vetë Adelina, në një postim në Instagram ku shfaqet imazhi i medaljes që mori naten e mbrëmshme nga Presidentja, ka dëshmuar për modestinë dhe dashurinë e saj të thellë, duke ia kushtuar këtë nderim jetësor nënës së saj, të cilën e quajti themeluese të saj si artiste.
Ajo shprehu krenarinë dhe falënderoi Presidenten e Kosovës “nga thellësia e shpirtit” për këtë vlerësim madhështor që preku zemrat.
Pas këtij nderimi institucional, Ismaili ngjiti skenën për koncertin e saj recital. Ishte një natë plot magji, ku ajo prezantoi një repertor të pasur me ato këngë që e kanë kthyer në një Yll të skenës shqiptare.
Ngjarja madhështore solli së bashku fansat besnikë, ata që kanë dëshmuar fuqinë e zërit dhe shpirtit të saj artistik gjatë gjithë këtyre katër dekadave të një karriere të frytshme dhe historike.
Adelina Ismaili mbetet, pa diskutim, “Mbretëresha” e skenës, me një trashëgimi muzikore që do të jetojë përgjithmonë. /Prive By Liberta Spahiu
View this post on Instagram
