Publikimi i videoklipit të ri të ikonës së muzikës shqiptare, Adelina Ismaili, i cili u xhirua pikërisht në vilën e ish-nënkryetarit të Listës Serbe, Milan Radojçiq, ka ngjallur reagime dhe diskutime të forta në rrjetet sociale dhe mediat shqiptare.
Pas valës së kritikave dhe komenteve rreth vendndodhjes së klipit, motra e saj, këngëtarja Zanfina Ismaili, ka reaguar duke i dalë në mbrojtje Adelinës.
Zanfina ka postuar një “InstaStory” ku shfaqet një fotografi e Adelinës, e rrethuar nga forca të armatosura, dhe me një mbishkrim shumë domethënës:
“U kallen akrabaja”.
Ky reagim i Zanfinës, shoqëruar me shprehjen “U kallen akrabaja”, interpretohet gjerësisht si një mesazh i drejtpërdrejtë ndaj kritikuesve dhe atyre që u shqetësuan nga veprimi i Adelinës.
Mesazhi nënkupton se suksesi dhe veprimet e Adelinës po shkaktojnë “djegie” (zili, pakënaqësi) te njerëzit e tjerë.
Reagimi i Zanfinës thekson edhe një herë lidhjen e fortë të motrave Ismaili dhe gatishmërinë e tyre për të mbështetur njëra-tjetrën, pavarësisht polemikave. /Prive By Liberta Spahiu
