Adri dhe Iliriana, dy këngëtarët e njohur që prej vitesh janë aktivë në muzikë dhe më pas fituan edhe më shumë vëmendje nga publiku përmes Big Brother VIP Kosova 2, kanë surprizuar dy prej bashkëpunëtorëve të tyre më të ngushtë me dhurata speciale.
Kompozitori i hiteve, Kreshnik Avdiu, dhe orkestruesi e producenti muzikor Artan Mezini, kanë marrë secili nga një iPhone 16 Pro Max si shenjë mirënjohjeje për punën dhe sukseset që kanë ndarë së bashku.
Në postimet e tyre falënderuese, Avdiu dhe Mezini kanë kujtuar hitet e realizuara me çiftin si “Oj shoqni”, “Habibi” dhe “Pishman”, duke vlerësuar se bashkëpunimi me ta ka sjellë rezultate që janë kthyer në këngë të dashura për publikun.
Ky gjest i Adrit dhe Ilirianës tregon respektin dhe vlerësimin që ata kanë për ekipin që qëndron pas çdo suksesi, duke e kthyer marrëdhënien profesionale në një lidhje miqësore e të ngrohtë. /Prive By Liberta Spahiu
