Këngëtari i mirënjohur i skenës sonë, Afrim Muçiqi, sot ka një arsye të madhe për të festuar.
Artisti i dashur për publikun shqiptar mbush plot 59 vite jetë, një rrugëtim i mbushur me suksese dhe hite që i kanë rezistuar kohës.
Në këtë përvjetor të rëndësishëm, nuk kishte si të mungonte një urim publik nga bashkëshortja e tij, Halime Mani.
Përmes një fotografie të ngrohtë familjare, ku çifti shfaqet i buzëqeshur pranë djalit të tyre, ajo ka shprehur dashurinë dhe bekimet më të mira për bashkëshortin:
“Shumë urime dashuri, paqe, shëndet e gjitha të mirat në jetë bashkë me gjithë neve,” – ishin fjalët emocionuese që shoqëruan postimin.
Afrim Muçiqi vazhdon të mbetet një nga emrat më të kërkuar të muzikës popullore, duke dëshmuar se për të, mosha është thjesht një numër përballë energjisë dhe pasionit që ka për skenën.
Urojmë që ky 59-vjetor të jetë vetëm fillimi i një dekade të re plot shëndet e harmoni pranë familjes së tij të shtrenjtë.
Edhe 100 vjet me këngë e gëzime, Afrim! /Prive By Liberta Spahiu
